Deprecated: Assigning the return value of new by reference is deprecated in /web/htdocs/www.tenores.org/home/wp-settings.php on line 520 Deprecated: Assigning the return value of new by reference is deprecated in /web/htdocs/www.tenores.org/home/wp-settings.php on line 535 Deprecated: Assigning the return value of new by reference is deprecated in /web/htdocs/www.tenores.org/home/wp-settings.php on line 542 Deprecated: Assigning the return value of new by reference is deprecated in /web/htdocs/www.tenores.org/home/wp-settings.php on line 578 Deprecated: Function set_magic_quotes_runtime() is deprecated in /web/htdocs/www.tenores.org/home/wp-settings.php on line 18 Tenores.org » Blog Archive » Atonzu a tenore
Home » Eventi

Atonzu a tenore

29 novembre 2011

Su Sòtziu Tenores Sardigna pro su mese de nadale at ammaniadu tres atòbios pro cantare e pro arrejonare de tenore: su 3  in Padru, su 10 in Monte e su 17 in Alà.

Atonzu a tenore - Padru - Monti - Alà

Sunt totu biddas de sa Provìntzia de Olbia-Tèmpiu, ca est gràtzias a su contributu de custa Provìntzia chi est istadu possìbile de fagher custas manifestatziones.

Cada atòbiu est partzidu in bator mamentos diferentes:

  • su manzanu, su tenore intrat in  sas iscolas e benit presentadu dae sos cantadores de su logu. Sos pitzinnos dischentes ant a poter arrejonare cun issos e fagher sas dimandas chi cherent.
  • A su merie, in unu locale de sa bidda, b’at esser un’arrejonada subra a su tenore. Totus arrèjonos difererentes e ligados a sas particularidades chi presentat sa bidda e sa moda de su logu.
  • Agabada s’arrejonada, sos tenores presentes ant a cantare intro ‘e bidda, chena amplificatziones e a piaghere issoro.
  • A ùrtimu, in unu locale serradu, ant a cantare in parcu sos bator tenores de giòvanos seberados  dae su Sòtziu pro custas dies. Tres de foras e su de sa bidda.

Custas festas de su tenore sunt  fatas in sa manera chi semper impreat su Sòtziu Tenores Sardigna. Festa de càntigu e de cantadores, totus podent partetzipare siat pro cantare siat pro iscurtare, ballare su ballu sardu (acumpanzadu a tenore) e siat pro divertire cun sos cumpanzos. Non b’at aer costùmenes e onzune benit lìberu dae impinnos de cada manera. Petzi sos bator tenores postos in manifestu, chi sunt cuddos chi cantant a sero, ant a leare unu rimborsu de sas ispesas.

S’idea de su sòtziu est chi festas che a custas si diant poder organizare in cada bidda, bastet chi provìntzias e comunes nos azudent cun sos bator francos chi bi cherent. Nos diat agradare de nde fagher una cada chida pro lomper a nde fagher chimabanta a s’annu, in chimbanta biddas. Gai totus sos apassionados de tenore diant tenner semper sa possibilidade de iscurtare sos cantadores e sos tenores diant tenner unu  muntone de ocasiones pro cantare.

Tando, totu sos cantadores a tenores sunt cumbidados a bènnere e a cantare, gai ‘e totu sos apassionados e totu cuddos chi lis agradat su tenore o chi nde diant cherrer ischire azigu de prus.

Atonzu a tenore: Padru - Monti - Alà

Atonzu a tenore: Padru - Monti - Alà